🚨 कृषी उत्पन्न बाजार समिती फलटणचे झोपलेले प्रशासन जागे होणार का?

पार्किंगमध्येच बटाटा व्यापाराचा बाजार! पूर्वी बातमी प्रसिद्ध होऊनही ‘जैसे थे’ परिस्थिती; नेमका कोणाचा वरदहस्त?

फलटण | राजकारण मीडिया विशेष /प्रभाकर करचे

फलटण कृषी उत्पन्न बाजार समितीच्या आवारात शेतकऱ्यांसाठी उपलब्ध करून देण्यात आलेल्या पार्किंगच्या जागेतच बटाट्याचा व्यापार सुरू असल्याचे धक्कादायक चित्र पुन्हा एकदा समोर आले आहे. विशेष म्हणजे या प्रकाराबाबत यापूर्वीही वृत्त प्रसिद्ध करून बाजार समिती प्रशासनाचे लक्ष वेधण्यात आले होते. मात्र त्यानंतरही परिस्थितीत कोणताही बदल झालेला दिसत नसल्याने कृषी उत्पन्न बाजार समितीचे प्रशासन नेमके झोपले आहे का? असा संतप्त सवाल शेतकऱ्यांकडून उपस्थित होत आहे.

छायाचित्रातही पार्किंगच्या जागेत बटाट्याचा साठा, पोती, मालवाहतूक करणारी वाहने आणि व्यापाराची लगबग दिसून येत आहे. त्यामुळे शेतकऱ्यांसाठी असलेली पार्किंगची जागा नेमकी कोणाच्या वापरासाठी आहे? हा प्रश्न आता ऐरणीवर आला आहे.

🔴 पार्किंग व्यापाऱ्यांसाठी वर्ग करण्याचा ठराव झाला आहे का?

जर बाजार समिती प्रशासनाने शेतकऱ्यांची पार्किंगची जागा बटाटा व्यापाऱ्यांच्या व्यापारासाठी वापरण्यास परवानगी दिली असेल, तर—

त्या परवानगीचा ठराव कुठे आहे?

संचालक मंडळाने याबाबत निर्णय घेतला आहे का?

सदर जागा व्यापाऱ्यांना कोणत्या नियमाने उपलब्ध करून देण्यात आली?

त्यासाठी बाजार समितीला कोणते शुल्क मिळते?

या जागेचा वापर किती कालावधीसाठी मंजूर करण्यात आला आहे?

आणि जर असा कोणताही ठराव किंवा अधिकृत परवानगी नसेल, तर मग शेतकऱ्यांच्या पार्किंगच्या जागेवर बटाट्याचा व्यापार सुरूच कसा आहे?

⚠️ पूर्वी बातमी प्रसिद्ध झाली, तरी कारवाई कुठे?

या प्रकाराबाबत यापूर्वी वृत्त प्रसिद्ध होऊनही प्रशासनाने त्याची दखल घेतली नसेल, तर बातमी प्रसिद्ध झाल्यानंतर प्रशासनाने कोणती कार्यवाही केली, याचा खुलासा करणे गरजेचे आहे.

तक्रारी, बातम्या आणि शेतकऱ्यांच्या अडचणी प्रशासनाच्या कानावर जाऊनही जर परिस्थिती ‘जैसे थे’ राहत असेल, तर प्रशासनाला नेमके जागे करण्यासाठी आणखी काय करावे लागणार? असा प्रश्न निर्माण झाला आहे.

🧑‍🌾 शेतकरी बाजारात माल घेऊन येतो; पण वाहन उभे करायचे कुठे?

बाजार समितीत शेतकरी आपला माल घेऊन येतो. त्याला माल उतरवायचा, विक्री करायची आणि त्याचे वाहन सुरक्षितपणे पार्क करायचे असते. मात्र पार्किंगची जागाच व्यापारी व्यवहारासाठी वापरली जात असेल तर शेतकऱ्याच्या वाहनाची जबाबदारी कोणाची?

उद्या पार्किंगअभावी एखाद्या शेतकऱ्याचे वाहन रस्त्यावर उभे राहिले आणि वाहतुकीला अडथळा निर्माण झाला, तर त्याची जबाबदारी कोण घेणार?

बाजार समिती शेतकऱ्यांसाठी आहे की केवळ व्यापाऱ्यांच्या सोयीसाठी? हा प्रश्न आता टाळता येणार नाही.

🔥 ‘शेतकऱ्यांची जागा की व्यापाऱ्यांची मक्तेदारी?

’बाजार समितीच्या आवारातील प्रत्येक जागेचा वापर कोणत्या उद्देशाने करायचा, याबाबत स्पष्ट नियम आणि प्रशासनाची जबाबदारी असते. त्यामुळे शेतकऱ्यांच्या सुविधेसाठी असलेली जागा अन्य कारणासाठी वापरली जात असेल तर त्यामागील अधिकृत आदेश आणि नियम जनतेसमोर येणे आवश्यक आहे.

फक्त “व्यवस्था सुरू आहे” असे सांगून हा प्रश्न संपणार नाही.

ठराव दाखवा!

परवानगी दाखवा!

आदेश दाखवा!

आणि नसेल तर जागा मोकळी करा!

❓

राजकारण मीडियाचे थेट सवाल

1. शेतकऱ्यांच्या पार्किंगमध्ये बटाटा व्यापार करण्यास परवानगी कोणी दिली?

2. याबाबत संचालक मंडळाचा ठराव झाला आहे का?

3. ठराव झाला असेल तर त्याची प्रत सार्वजनिक करण्यात येणार आहे का?

4. पार्किंगच्या जागेसाठी व्यापाऱ्यांकडून कोणते शुल्क आकारले जाते?

5. या शुल्काचा बाजार समितीच्या उत्पन्नात समावेश होतो का?

6. पार्किंगच्या जागेचा व्यापारी वापर करण्यासाठी कोणती प्रशासकीय मंजुरी घेण्यात आली?

7. पूर्वी याबाबत वृत्त प्रसिद्ध होऊनही कारवाई का झाली नाही?

8. शेतकऱ्यांसाठी पर्यायी पार्किंगची व्यवस्था केली आहे का?

9. पार्किंगअभावी शेतकऱ्यांना होणाऱ्या गैरसोयीची जबाबदारी कोणाची?

10. बाजार समिती प्रशासन या प्रकाराची पाहणी करून पंचनामा करणार का?

💥 प्रशासन झोपेतच राहणार की आता जागे होणार?

शेतकऱ्यांच्या नावावर बाजार समिती उभी आहे. शेतकऱ्यांच्या सोयीसाठी असलेल्या जागेचा वापर जर इतर कारणासाठी होत असेल, तर त्याबाबत पारदर्शकता असणे ही प्रशासनाची जबाबदारी आहे.

आता फलटणच्या शेतकऱ्यांना आश्वासन नको—

कारवाई हवी!कागदावरची उत्तरे नकोत—

ठराव आणि आदेश सार्वजनिक हवेत!आणि सर्वात महत्त्वाचे—

“पार्किंग शेतकऱ्यांची की बटाटा व्यापाऱ्यांची?”

या प्रश्नाचे उत्तर कृषी उत्पन्न बाजार समिती प्रशासनाने तातडीने द्यावे, अशी मागणी जोर धरू लागली आहे.

राजकारण मीडिया आता या प्रश्नाचा पाठपुरावा करणार!

**

प्रशासन जागे होणार का?

की शेतकऱ्यांचा प्रश्न पुन्हा फाईलमध्येच झोपणार?

**

— राजकारण मीडिया, फलटण

“प्रश्न जनतेचा… आवाज राजकारण मीडियाचा!”