राजकारण मीडिया: बारामती: दिनांक:२५/०३/२०२६: प्रभाकर करचे : बारामती विधानसभा पोटनिवडणुकीची रणधुमाळी आता रंगात येत असून राजकीय घडामोडींना वेग आला आहे. या पार्श्वभूमीवर सुनेत्रा पवार यांचा उमेदवारी अर्ज ६ एप्रिल रोजी मोठ्या शक्तीप्रदर्शनात दाखल होणार असल्याची माहिती समोर आली आहे.
या अर्ज दाखल सोहळ्याला राज्यातील सत्तेतील दिग्गजांची उपस्थिती राहणार असून मुख्यमंत्री आणि उपमुख्यमंत्री स्वतः बारामतीत हजेरी लावणार आहेत. त्यामुळे हा केवळ अर्ज दाखल कार्यक्रम न राहता एक भव्य राजकीय शक्तीप्रदर्शन ठरण्याची शक्यता व्यक्त केली जात आहे.
बारामती ही पारंपरिकदृष्ट्या अत्यंत महत्त्वाची आणि प्रतिष्ठेची मतदारसंघ मानली जाते. त्यामुळे या पोटनिवडणुकीकडे संपूर्ण राज्याचे लक्ष लागले आहे. सुनेत्रा पवार यांच्या उमेदवारीमुळे निवडणूक अधिकच रंगतदार होणार असून राजकीय समीकरणे नव्याने मांडली जात आहेत.
दरम्यान, कार्यकर्त्यांमध्ये उत्साहाचे वातावरण असून मोठ्या प्रमाणात गर्दी होण्याची शक्यता आहे. ६ एप्रिल रोजी बारामतीत होणारा हा कार्यक्रम आगामी निवडणुकीची दिशा ठरवणारा ठरणार का, याकडे सर्वांचे लक्ष लागले आहे.
