🌳 “देवसावर” पुन्हा रुजतोय!पर्यावरण संवर्धनाला मिळाले नवे बळ! 🌿

राजकारण मीडिया: फलटण: दिनांक:१०/०५/२०२६: प्रभाकर करचे:देशी वृक्ष संवर्धनाच्या दिशेने एक महत्त्वपूर्ण आणि प्रेरणादायी पाऊल उचलण्यात आले आहे. अत्यंत दुर्मिळ समजल्या जाणाऱ्या देवसावर या देशी वृक्षाच्या बिया समाजहितासाठी नरेश चांडक यांनी संस्थेला उपलब्ध करून दिल्या होत्या. या बियांपासून यशस्वीरीत्या अंकुर फुटून आता तब्बल ७१ सशक्त रोपे तयार झाली आहेत.

🌱विशेष म्हणजे आज ही सर्व रोपे काळजीपूर्वक पिशव्यांमध्ये स्थलांतरित करून पुढील संवर्धनासाठी सज्ज करण्यात आली. हा उपक्रम केवळ रोपे तयार करण्यापुरता मर्यादित नसून, हरवत चाललेल्या देशी वृक्षप्रजाती जतन करण्याचा आणि पुढील पिढ्यांसाठी हरित वारसा निर्माण करण्याचा प्रयत्न आहे. 🌍✨

संस्थेच्या या उपक्रमामुळे पर्यावरणप्रेमी आणि तरुणांमध्येही उत्साहाचे वातावरण निर्माण झाले असून, येत्या काळात इतर स्थानिक व दुर्मिळ देशी वृक्षांची मोठ्या प्रमाणावर लागवड व निर्मिती करण्याचा संकल्प करण्यात आला आहे.

🌿 “आजचे काही तासांचे श्रम… उद्याच्या हजारो वृक्षांचे जीवन बनू शकतात!” 🌳