राजकारण मीडिया: फलटण: प्रभाकर करचे: दिनांक:१७/०२/२०२६:कृषि उत्पन्न बाजार समिती, फलटण येथील मुख्य बाजारातील रविवारी झालेल्या लिलावात धान्य व कडधान्यांच्या दरात मिश्र चित्र पाहायला मिळाले. काही पिकांना चांगली मागणी मिळाल्याने दर तेजीत राहिले, तर काही पिकांवर आवक वाढल्याने दबाव जाणवला.
बाजारात ज्वारीला २८०० ते ४८०० रुपये दर मिळाला असून ९२ क्विंटल आवक नोंदली गेली. बाजरी २३०० ते ३२०० रुपये (२१७ क्विंटल) दरम्यान व्यवहारात राहिली. गव्हाचे दर स्थिर राहून २४०० ते २६०० रुपये (४४० क्विंटल) नोंदवले गेले.
कडधान्यांमध्ये तूरने सर्वाधिक तेजी दाखवत ६००० ते ७५५० रुपये दर गाठला (४४ क्विंटल), तर मुग ६००० ते ७००० रुपये (२ क्विंटल) दराने विकला गेला. उडीद ५००० ते ६१०० रुपये (११ क्विंटल) आणि हरभरा ४८०० ते ५३०० रुपये (९२ क्विंटल) दरम्यान राहिला.
मक्याची आवक २०६ क्विंटलपर्यंत वाढल्याने दर १७०० ते १८१५ रुपयांपर्यंत खाली राहिले. घेवड्याला मात्र ५००० ते ६५०० रुपये (८० क्विंटल) असा चांगला भाव मिळाल्याने शेतकऱ्यांमध्ये समाधान व्यक्त होत आहे.
व्यापाऱ्यांच्या मते, पुढील काही दिवसांत आवक-मागणीच्या प्रमाणानुसार दरात आणखी चढ-उतार होण्याची शक्यता आहे. विशेषतः कडधान्यांच्या बाजारावर सर्वांचे लक्ष लागले आहे.
