🔥 साखरवाडीत राजू शेट्टींची तोफ धडाडली; ३५०० ₹ ऊसदर नाही दिला तर ‘चारही कारखाने बंद!’ कठोर इशारा 🔥

राजकारण मीडिया: फलटण: दिनांक: २५/११/२०२५:साखरवाडी (ता. फलटण) येथे आज स्वाभिमानी शेतकरी संघटनेचे नेते राजू शेट्टी यांनी ऊसदराच्या प्रश्नावरून अक्षरशः राजकीय रणभूमी तयार केली. शेतकऱ्यांच्या अडचणींचा पाढा वाचत, जिल्ह्यातील साखर कारखानदारांवर त्यांनी अगदी थेट, उघड आणि आक्रमक हल्ला चढवला. 

      सभेतून त्यांच्या तोफेतून निघालेले शब्द कारखानदारांच्या गळ्यापर्यंत पोहोचतील इतके धारदार होते—

“ऊसदर ३५oo रुपये द्या… नाही तर श्री दत्त, श्रीरामजवाहर, शरयू ऍग्रो, स्वराज— या चारही कारखान्यांचे काटे बंद पाडू!”

सभेत उपस्थित ऊस उत्पादक शेतकऱ्यांच्या घोषणा आणि टाळ्यांच्या गडगडाटामुळे साखरवाडी गाव अक्षरशः दणाणून गेले.

🔥 शेट्टींची कारखानदारांना थेट धमकी – ‘शेतकऱ्याला फसवणार नाही, दम असेल तर पुढे या!’आणि तीन हजार पाचशे रुपये दर जाहीर करा!      

     राजू शेट्टींनी कारखानदारांना बोट दाखवत स्पष्ट शब्दांत सांगितले”शेतकऱ्याच्या घामाला भाव हवा!””तोलमापनातील लबाडी, एफआरपीचा खेळ, ऊसदराची टाळाटाळ— आता चालणार नाही!””साखरेचे भाव वाढले, पण शेतकऱ्याला वाटा कुठे?”

त्यांच्या भाषणात आक्रमकता एवढी होती की शेतकरीही उत्साहाने घोषणाबाजी करत उभे राहिले.🔥

ऊसदरावर तीन दिवसात उत्तर न दिल्यास कारखाने ठप्प – आंदोलनाची तयारी सुरु!स्वाभिमानी संघटनेकडून पुढील योजना जाहीर—कारखान्यांच्या गेटवर निदर्शने काटे बंद आंदोलन !“काटे बंद” हा शेट्टींचा शब्द उच्चारला जाताच वातावरण तापले आणि कारखाना व्यवस्थापनाच्या पथ्यावर पडणार नाही अशी परिस्थिती निर्माण झाली.

🔥 फलटण मतदारसंघात राजकीय वारे बदलणार?

या सभेमुळे फलटण तालुक्यात मोठी राजकीय खळबळ निर्माण झाली आहे.कारखानदारांच्या दबदब्याला थेट आव्हान !शेतकऱ्यांच्या नाराजीला पोषक वातावरण !येणाऱ्या निवडणुकांसाठी नवीन समीकरणं?     

       राजू शेट्टींची ही आक्रमक भूमिका स्थानिक राजकारणाला नवा कलाटणी देईल यात शंका नाही.यावेळी शेतकरी संघटनेचे जिल्हाध्यक्ष धनंजय महा मुलकर नितीन यादव प्रमोद गाडे डॉक्टर रवींद्र घाडगे दादा जाधव किरण भोसले व इतर स्वाभिमानी शेतकरी संघटनेचे कार्यकर्ते व शेतकरी मोठ्या संख्येने उपस्थित होते.